Онцлох мэдээ

20 цагийн өмнө
    Өнөөдөр Сангийн Яамны хүндэтгэлийн танхимд НӨАТ-ын урамшууллын  17 дахь удаагийн сугалааны тохирлоор азтан болсон зарим иргэдийн төлөөлөлд Сангийн дэд сайд Х.Булгантуяа, ТЕГ-ын дарга Л.Зориг, Сангийн сайдын туслах Э.Жаргалсайхан, ТЕГ-ын  ТЗУГ-ын дарга Б.Алтансүх, ТОГ-ын дарга Д.Цогтжаргал, ТТХГ-ын дарга Д.Цогзолмаа нар сугалааны батламжыг гардуулан өглөө.        Монгол Улсын Их Хурал Засгийн газраас эдийн засгийн өсөлтийг татварын бодлогоор дэмжих, татварын энгийн ойлгомжтой, тэгш шударга байх зарчмыг хангах,олон улсын жишигт нийцүүлэх чиглэлээр тодорхой үе шаттай арга хэмжээнүүдийг авч хэрэгжүүлсний нэг нь 2015 оны 7 дугаар сарын 9-ны өдөр баталж, 2016 оны 1 дүгээр сарын 1-нээс хэрэгжүүлсэн Нэмэгдсэн өртгийн албан татварын тухай хуулийн шинэчилсэн найруулга юм. Энэ хуулийн зорилго нь татварын хуулийн хэрэгжилтэд татвар төлөгчийн оролцоотойгоор  хяналт тавих, бүртгэлийн тогтолцоог сайжруулах замаар бизнест ээлтэй, тэгш шударга өрсөлдөх орчныг бий болгох, татвар төлөгчийг урамшуулах эрх зүйн орчныг бүрдүүлснээрээ онцлогтой байна.   Нэмэгдсэн өртгийн албан татварын тухай хуулийн шинэчилсэн найруулгад дараах өөрчлөлтийг тусгасан: 1. Цахим төлбөрийн баримтын систем, худалдан авалтыг бүртгэлийн машинаар дамжуулан бүртгэж, улмаар бүртгэл хяналтын тогтолцоог нэвтрүүлснээр борлуулагч болон худалдан авагч тал санхүүгийн үйл ажиллагаагаа хянах боломжтой болж, татварын болон санхүүгийн тайлан гаргах үйл ажиллагааг хялбаршуулсан.  2. Нэмэгдсэн өртгийн албан татвар суутган төлөгчөөр бүртгүүлэх борлуулалтын орлогын босгыг 50 сая төгрөг болгож нэмэгдүүлсэн. 3. Урамшууллын тогтолцоо буюу татвар төлөгч иргэн худалдан авсан  бараа, ажил, үйлчилгээний төлбөрийн баримтаар сугалаанд оролцох, төлсөн албан татварын 20 хүртэл хувийг буцаан авах улмаар хуулийн хэрэгжилтэд хяналт тавих боломжтой болсон.      Нэмэгдсэн өртгийн албан татварын тухай хуулийг хэрэгжүүлснээр энэ оны эхний 11 сарын байдлаар Татварын алба  улсын төсөвт 1.4 их наяд төгрөгийн татварын орлого төвлөрүүлсний 34.0 хувь буюу 475.5 тэрбум төгрөг нь нэмэгдсэн өртгийн албан татварын орлого байна.     Мөн хууль хэрэгжсэнээр 38'825 бизнес эрхлэгч, хувь хүн хуулийн этгээд стандартын шаардлага хангасан бүртгэлийн машин хэрэглэж, мэдээллийг төлбөр тооцооны бүртгэлийн системд илгээж хэвшсэн бөгөөд энэ онд борлуулалтын орлогын хэмжээ нь хуулийн шаардлага хангасан 2'020 татвар төлөгч шинээр нэмэгдсэн өртгийн албан татвар суутган төлөгчөөр бүртгэгдсэн байна.      Түүнчлэн оны эхний 11 сарын байдлаар 611’412 иргэн цахим төлбөрийн баримтын системд хэрэглэгчээр бүртгүүлэн 17 удаагийн сугалааны тохирлоос 81’898 иргэн  азтан болж 3.1 тэрбум төгрөгийн сугалааны урамшуулал олгосон бөгөөд дээрх иргэд албан татварын 20 хүртэл хувийн буцаан олголтоор 29.4 тэрбум төгрөгийг буцаан авах боломж бүрдээд байна.  

Үйлчилгээ

Шилэн данс E-ТАЙЛАН
Ил тод байдал Татан Буугдах ААН-үүд
ebarimt.mn Хуулийн хэлэлцүүлэг
Мэйл шалгах Цахим тайлангийн систем ашиглах заавар
Тендерийн урилга Онлайн сургалт
Tax Stat Зөвлөхийн үйлчилгээ
E-Office Асуулт хариулт 1800-1288

Мэдээ мэдээлэл


Үйл явдал

2016 оны 12-р сар
Ня Да Мя Лх Пү Ба Бя
123
45678910
11121314151617
18192021222324
25262728293031
2016-12-05
Онцгой албан татварын тайлан тушаах сүүлийн өдөр

Статистик



Холбоо барих

Татварын ерөнхий газар
Улаанбаатар хот, Чингэлтэй дүүрэг, НҮБ-ийн гудамж 5-1
И-мэйл: tcc@mta.gov.mn
          (+976) 1800-1288

Холбоос

Биднийг дагаарай